چیمپئنزٹرافی گروپ بی کے اہم میچ میں افغانستان نے انگلینڈ کو جیت کیلئے 326 رنز کا ہدف دیا ہے۔
لاہور میں کھیلے جارہے میچ کا ٹاس افغانستان نے جیتا اور پہلے بیٹنگ کرنے کا فیصلہ کیا، افغانستان کی ٹیم نے مقررہ اوور میں 7 وکٹوں کے نقصان پر 325رنز بنائے۔
افغان اننگز کی خاص بات ابراہیم زدران کے شاندار 177 رنز تھے ،ان کی اننگز میں 12 چوکے اور6 چھکے شامل تھے۔
رحمت اللہ گرباز نے 6،صدیق اللہ اتل 4،رحمت شاہ 4،حشمت اللہ شاہدی 40،عظمت اللہ اورکزئی 41 ،محمد نبی نے 40رنز کی اننگز کھیلی۔
انگلینڈ کی جانب سے جوفرا آرچر نے 3کھلاڑیوں کوآؤٹ کیا،لیونگ اسٹون 2 ،عادل رشید اورجیمی اوورٹن کے حصے میں ایک ایک وکٹ آئی۔
افغانستان کے ابراہیم زدران چیمپئنزٹرافی میں سب سے بڑی اننگز کھیلنے والے بیٹسمین بن گئے،ابراہیم زدران نے انگلینڈ کیخلاف میچ میں بین ڈکٹ کا 165 رن کا ریکارڈ اپنے نام کیا،نیوزی لینڈ کے ناتھن آسٹل نے 2004 میں امریکا کے خلاف 145 رنز بنائےتھے۔
