ایچ بی ایل پاکستان سپر لیگ (پی ایس ایل) 10 کے ساتویں میچ میں ملتان سلطانز نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ہے۔ یہ میچ راولپنڈی کرکٹ اسٹیڈیم میں کھیلا جا رہا ہے۔
بارش کے باعث میدان میں نمی اور گیلا پن ہونے کی وجہ سے ٹاس میں تاخیر ہوئی۔ میچ آفیشلز نے گراونڈ کا معائنہ کرنے کے بعد ٹاس کا وقت 8 بج کر 15 منٹ جبکہ میچ شروع ہونے کا وقت 8 بج کر 45 منٹ مقرر کیا۔ خوش قسمتی سے، تاخیر کے باوجود میچ کے اوورز میں کوئی کٹوتی نہیں کی گئی۔
اسلام آباد یونائیٹڈ اب تک ٹورنامنٹ میں اپنے دونوں میچ جیت کر پوائنٹس ٹیبل پر پہلے نمبر پر ہے، جبکہ ملتان سلطانز اپنا پہلا میچ ہار چکی ہے اور پانچویں پوزیشن پر ہے۔
اسکواڈز:
اسلام آباد یونائیٹڈ:
آندرے گوس، صاحبزادہ فرحان، کولن منرو، حیدر علی، اعظم خان (وکٹ کیپر)، شاداب خان (کپتان)، جیسن ہولڈر، محمد شہزاد، عماد وسیم، نسیم شاہ، رائلے میریڈتھ
ملتان سلطانز:
محمد رضوان (کپتان، وکٹ کیپر)، شائی ہوپ، عثمان خان، افتخار احمد، کامران غلام، مائیکل بریسویل، ڈیوڈ ولی، کرس جورڈن، اسامہ میر، عبید شاہ، محمد حسنین
