پاکستان کرکٹ ٹیم نے نیوزی لینڈ کے خلاف تیسرے ٹی ٹوئنٹی میچ میں شاندار کارکردگی کا مظاہرہ کرتے ہوئے ایک نیا ریکارڈ قائم کیا۔
پانچ میچوں کی سیریز کے اس تیسرے میچ میں پاکستان نے میزبان نیوزی لینڈ کو 9 وکٹوں سے شکست دی۔
نیوزی لینڈ نے 205 رنز کا ہدف دیا، جسے گرین شرٹس نے حسن نواز کی شاندار سنچری کی بدولت صرف 16 اوورز میں حاصل کر لیا۔
اوپنر محمد حارث نے 41 رنز بنائے جبکہ حسن نواز نے 44 گیندوں پر سنچری مکمل کر کے بابر اعظم کا تیز ترین سنچری کا ریکارڈ توڑ دیا۔ کپتان سلمان علی آغا نے بھی 31 گیندوں پر 51 رنز بنا کر ان کا بھرپور ساتھ دیا۔
اس کے علاوہ، پاکستان نے اپنی ٹی ٹوئنٹی تاریخ کے پاور پلے میں سب سے زیادہ اسکور کرتے ہوئے ابتدائی چھ اوورز میں 75 رنز بنائے۔
