آئی سی سی چیمپئنز ٹرافی کے پہلے سیمی فائنل میں آسٹریلیا نے بھارت کو 265 رنز کا ہدف دے دیا۔ دبئی میں کھیلے جانے والے اس سنسنی خیز میچ میں آسٹریلوی ٹیم 50 اوورز میں 264 رنز بنا کر آؤٹ ہوگئی۔
میچ کے آغاز میں آسٹریلیا کو مشکلات کا سامنا کرنا پڑا جب اوپنر کوپر کونولی بغیر کوئی رن بنائے پویلین لوٹ گئے۔ بعد ازاں، جارحانہ بیٹنگ کرنے والے ٹریوس ہیڈ 39 رنز بنا کر آؤٹ ہوئے۔ مارنس لیبوشگن (29) اور جوش انگلس (11) بھی زیادہ دیر کریز پر نہ ٹھہر سکے۔
کپتان اسٹیو اسمتھ نے ذمہ دارانہ اننگز کھیلتے ہوئے 73 رنز بنائے، تاہم ان کے علاوہ کوئی بھی بلے باز بڑی اننگز کھیلنے میں ناکام رہا۔ بھارت کی جانب سے روندرا جڈیجا اور محمد شامی نے 2،2 جبکہ ورون چکرورتھی اور اکشر پٹیل نے 1،1 وکٹ حاصل کی۔
اس سے قبل، آسٹریلوی کپتان اسٹیو اسمتھ نے ٹاس جیت کر پہلے بیٹنگ کا فیصلہ کیا، ان کا کہنا تھا کہ وہ بڑا ہدف دے کر بھارتی ٹیم پر دباؤ ڈالنے کی کوشش کریں گے۔ بھارتی کپتان روہت شرما نے کہا کہ ان کی ٹیم اسپن باؤلرز کے ذریعے آسٹریلیا پر حملہ کرے گی۔
