فاسٹ بولر محمد عامر ڈبلن ، آئرلینڈ کے لیے روانہ ہو گئے۔
محمد عامر جمعہ کو ڈبلن میں ٹیم کو جوائن کرلیں گے، پہلے ٹی20 انٹرنیشنل میں ان کے سلیکشن پر غور کیے جانے کا امکان نہیں ہے۔محمد عامر اتوار اور منگل کو کھیلے جانے والے دوسرے اور تیسرے ٹی ٹوئنٹی انٹرنیشنل کے لیے دستیاب ہوں گے۔
محمد عامر کی روانگی دیر سے ویزا جاری ہونے کے سبب تاخیر کا شکار ہوئی۔ چیئرمین پی سی بی محسن نقوی کی کوششوں سے محمد عامر کا ویزا جاری ہوا۔
آئرلینڈ کے خلاف ٹی ٹوئنٹی انٹرنیشنل میچوں کے بعد پاکستان ٹیم 22 ۔ 25 ۔ 28 اور 30 مئی کو کھیلے جانے والے چار ٹی ٹونٹی میچوں کی سیریز کے لیے 15 مئی کو لیڈز پہنچے گی۔
