قومی کرکٹ ٹیم کے کپتان بابراعظم نے آسٹریلوی کرکٹ ٹیم کے کپتان پیٹ کمنز کو مشکل ترین بولر قرار دے دیا۔
نجی ٹی وی کے پروگرام میں پاکستان کرکٹ بورڈ کے سابق چیئرمین رمیز راجہ سے گفتگو کے دوران ان سے سوال کیا گیا کہ انہیں کون سا بولر مشکل لگا؟
بابراعظم کو چار فاسٹ بولرز کے نام بتائے گئے جن میں پیٹ کمنز، مچل اسٹارک، مارک ووڈ اور بھارت کے بمرا شامل تھے۔
اس سوال کے جواب میں انہوں نے بتایا کہ پیٹ کمنز، بمرا، مارک ووڈ اور پھر مچل اسٹارک مشکل ترین بولر ہیں۔x
بابراعظم کا کہنا تھا کہ کمنز نپی تلی بولنگ کرتے ہیں، ان کی گیند بازی میں بہت اتار چڑھاو ہوتا ہے، جس کی وجہ سے انہیں کھیلنا مشکل ہے۔
انہوں نے بتایا کہ پیٹ کمنز کو معلوم ہوتا ہے کہ کس بیٹر کو کیسے بولنگ کرانی ہے، اور وہ بیٹر کی کمزوری کا بھرپور فائدہ اٹھاتے ہیں۔
