سابق کیوی کرکٹر و کمنٹیٹر سائمن ڈول نے انکشاف کیا ہے کہ بھارتی بیٹر ویرات کوہلی کو تنقید کا نشانہ بنانے پر انہیں قتل کرنے کی دھمکیاں دی گئیں۔
کرک بز کو دیئے گئے انٹرویو میں سائمن ڈول نے بتایا کہ انڈین پریمئیر لیگ (آئی پی ایل) 2024 کے ایڈیشن کے آغاز میں ویرات کوہلی کو اسٹرائیک ریٹ پر تنقید کا نشانہ بنایا تھا۔
انہوں نے کہا کہ کوہلی کے بارے میں ہزار اچھی باتیں کروں لیکن ایک منفی بات کرنے پر مجھے لوگ جان سے مارنے کی دھمکی دیتے ہیں، جو ایک منفی پہلو ہے، یہ شرم کی بات ہے۔
یاد رہے کہ پی ایس ایل کے رواں ایڈیشن میں سائمن ڈول نے نے بابراعظم کے اسٹرائیک ریٹ کی تعریف کی تھی جبکہ گزشتہ ایڈیشن میں انہوں نے قومی ٹیم کے کپتان پر تنقید کی تھی ۔
