اسلام آباد : وفاقی وزیر دفاع خواجہ آصف کا کہنا ہے کہ بانی پی ٹی آئی کی رہائی ہمارے لئے خطرے کی بات نہیں، ہم تو مذاکرات کیلئے آج بھی تیار ہیں۔
تفصیلات کے مطابق وفاقی وزیر دفاع خواجہ آصف نے برطانوی نشریاتی ادارے کو انٹرویو دیتے ہوئے کہا کہ بانی پی ٹی آئی کی جیل سےرہائی ان کی جماعت یاحکومت کےلیے خطرےکی بات نہیں۔
وفاقی وزیر دفاع کا کہنا تھا کہ سیاست میں اتار چڑھاؤ ہوتےہیں،ان کوسیاسی طورپرحل کرنا چاہیے، ہم مذاکرات کے لئے آج بھی تیار ہے۔
انھوں نے کہا کہ اگربانی پی ٹی آئی نے رہائی کے بعد بھی طرزسیاست نہیں بدلی توپھرسیاسی استحکام نہیں آئے گا، ملک میں سیاسی لڑائی بڑھے گی، معیشت بہتر نہیں ہوگی اور ان کامقصد بھی یہی ہے پاکستان معاشی استحکام حاصل نہ کرسکے۔
