زمبابوے کیخلاف سیریز کے دوسرے ٹی20 میچ میں نوجوان اسپنر سفیان مقیم نے پاکستان کےلیے نیا ریکارڈ قائم کردیا۔
بلاوائیو میں کھیلے گئے میچ میں پاکستان کے نوجوان اسپنر سفیان مقیم نے محض 2.4 اوورز میں 3 رنز کے عوض 5 زمبابوین بلےبازوں کو پویلین روانہ کرکے یہ کارنامہ سرانجام دیا۔
سفیان مقیم کے تاریخی بالنگ اسپیل نے انہیں دنیا کا تیسرا جبکہ پاکستان کےلیے پہلا بہترین بالنگ فیگر حاصل کرنے والا بالر بنادیا۔
اس سے قبل ملائیشیا کے سیزر ادریس نے 8 رنز کے عوض 7 جبکہ سنگاپور کے ایچ بھردواج نے 3 رنز پر 6 وکٹیں حاصل کیں تھی جبکہ پاکستان کےلیے یہ کارنامہ عمر گُل نے دو مرتبہ سرانجام دیا جنہوں نے 2009 ٹی20 ورلڈکپ میں نیوزی لیںڈ کے خلاف 6 رنز دے کر 5 جبکہ 2013 میں جنوبی افریقہ کیخلاف بھی یہی کارنامہ دہرایا تھا۔
واضح رہے کہ زمبابوے نے دوسرا ٹی20 میچ پاکستان 10 وکٹوں سے جیتا تھا، سیریز کا آخری میچ کل کھیلا جائے گا۔
