پاکستان سپر لیگ (پی ایس ایل) سیزن 10 کا ڈرافٹ بیرون ملک کرانے کی تجویز سامنے آئی ہے۔
رپورٹ کے مطابق پی ایس ایل 10 کے ڈرافٹ کے لیے انگلینڈ اور دبئی کے نام پر غور کیا جارہا ہے۔
ڈرافٹ سے متعلق بیرون ملک کرانے کی تجویز پی ایس ایل کے حوالے سے ہونے والے حالیہ اجلاس میں سامنے آئی۔
علاوہ ازیں پی ایس ایل کے ڈرافٹ میں اس مرتبہ نامور کھلاڑیوں کو شامل کرنے پر زور دیا گیا۔
ذرائع کا بتانا ہے کہ آئی پی ایل کے معاہدوں سے محروم رہنے والوں کو ڈرافٹ میں شامل کرنے پر زور دیا جائے گا۔
پاکستان کرکٹ بورڈ (پی سی بی) نے مشہور کرکٹرز کو ڈرافٹ میں شامل کرنے کی یقین دہانی کرائی ہے، بڑے ناموں کے لیے فرنچائزز کا مالی معاونت کرنے کے لیے پی سی بی پر زور دیا گیا ہے۔
