کراچی کے علاقے کلفٹن میں مبینہ طور پر نشے میں دھت ٹریفک پولیس آفیسر نے اپنی گاڑی سے ٹکر مار کرایک شخص کو ہلاک کر دیا۔
کلفٹن تھانے کی حدود کلفٹن انڈر پاس کے قریب تیز رفتار کار نمبر BF-7810کی ٹکر سے ایوب سیڈار ولد محبوب جاں بحق ہوگیا، حادثے کے بعد موقع پر موجود شہریوں نے مبینہ طور پر حادثے کے ذمہ دار ٹریفک پولیس انسپکٹر شاہد آنگورو کی ویڈیو بنائی جس میں وہ ٹریفک پولیس وردی میں ملبوس دیکھائی دے رہے ہیں جبکہ لوگوں کا دعویٰ تھا کہ وہ نشے میں دھت تھا۔
پولیس نے موقع پرپہنچ کر پولیس انسپکٹر کو حراست میں لیکر تھانے منتقل کیا اور اس کے خلاف مقدمہ درج کرلیا۔
ایس ایچ او تھانہ کلفٹن عرفان میو کے مطابق ٹریفک پولیس انسپکٹر شاہد آنگورو بطور سیکشن آفیسر مومن آباد تعینات تھے، حادثے کے ذمہ ٹریفک پولیس انسپکٹر کا دوران ڈرائیونگ نشے میں ہونے کی تصدیق کے لیے میڈیکل کروایا گیا ہے جس کی رپورٹ موصول ہونے کے بعد مزید کارروائی کی جائے گی۔
