مشیر صحت احتشام علی نے کہا ہے کہ 2025 کا پہلا ایم پاکس سے متاثرہ مریض صحت یاب ہو گیا اور اس کے تمام ٹیسٹ کلیئر آ گئے۔
انہوں نے کہا کہ ایم پاکس سے متاثرہ شخص صحت یاب ہو گیا ہے، پبلک ہیلتھ ریفرنس لیب نے مریض کے صحت یاب ہونے کی تصدیق کردی، یہ 2025 کا پہلا کیس تھا جو صحت یاب ہو کر گھر رخصت ہو گئے ہیں۔
مشیر صحت نے بتایا ہے کہ متاثرہ شخص کو ائیر پورٹ سے پولیس سروسز ہسپتال لایا گیا تھا، متاثرہ شخص نے آئسولیشن وارڈ میں دس دن گُزارے۔
ان کا کہنا تھا کہ پختونخوا میں فی الوقت ایم پاکس کا ایک ایکٹیو کیس ہے، کنٹیکٹ ٹریسنگ کے دوران ابھی تک کوئی شخص متاثرہ ثابت نہیں ہوا۔
