اسرائیل نے رمضان کے دوران فلسطینیوں کی مسجد اقصیٰ میں داخلے پر نئی پابندیاں عائد کرنے کا فیصلہ کیا ہے۔ رپورٹ کے مطابق، صیہونی حکومت نے رمضان کے مہینے میں فلسطینیوں کے مسجد اقصیٰ جانے پر کچھ نئی شرائط لگا دی ہیں۔ اسرائیلی میڈیا کے مطابق، رمضان کے دوران صرف 55 سال سے زائد عمر کے مرد، 50 سال یا اس سے بڑی خواتین، اور 12 سال یا اس سے کم عمر کے بچے مسجد اقصیٰ میں جا سکیں گے۔
غزہ جنگ بندی معاہدے کے تحت، اسرائیلی جیلوں سے رہائی پا کر مغربی کنارے پہنچنے والے فلسطینیوں کو بھی مسجد اقصیٰ میں جانے کی اجازت نہیں ہوگی۔ رپورٹ میں یہ بھی بتایا گیا ہے کہ جو افراد مسجد اقصیٰ آنا چاہتے ہیں، انہیں پہلے اسرائیلی حکام سے اجازت لینا ہوگی۔ رمضان کے دوران نماز جمعہ کے لیے صرف 10 ہزار افراد کو مسجد کے احاطے میں داخلے کی اجازت دی جائے گی۔
