رواں برس رمضان المبارک کے دوران دنیا کا سب سے طویل روزہ سوئیڈن اور ناروے میں ہوگا، جہاں روزے کا دورانیہ ساڑھے 20 گھنٹے تک پہنچے گا۔ اس کے علاوہ گرین لینڈ اور آئس لینڈ میں بھی روزے کا دورانیہ تقریباً 20 گھنٹے ہوگا۔
دوسری جانب سب سے مختصر روزہ جنوبی امریکی ملک چلی میں ہوگا، جہاں روزے کا دورانیہ صرف 11 گھنٹے ہوگا۔
عرب ممالک میں سب سے طویل روزہ الجزائر میں ہوگا، جہاں روزے کا وقت 16 گھنٹے 44 منٹ ہوگا، جبکہ سعودی عرب، مدینہ منورہ، نیویارک، امریکا اور ترکیہ میں روزے کا دورانیہ تقریباً 13 گھنٹے ہوگا۔
پاکستان میں اس سال روزہ 12 گھنٹے 58 منٹ طویل ہوگا جبکہ برازیل، جنوبی افریقا، ارجنٹائن، نیوزی لینڈ، متحدہ عرب امارات، بھارت اور انڈونیشیا میں روزے کا دورانیہ ساڑھے 12 گھنٹے ہوگا۔
اسی طرح جنوبی افریقا کے شہروں جوہانسبرگ اور کیپ ٹاؤن، پیراگوئے کے سیوڈاد ڈیل ایسٹے اور یوراگوئے کے مونٹیویڈیو میں بھی روزے کا دورانیہ 11 سے 12 گھنٹے کے درمیان ہوگا، جو دنیا کے مختصر ترین روزوں میں شمار کیے جاتے ہیں۔
ماہرین کے مطابق سورج کے طلوع اور غروب کے مختلف اوقات کے باعث دنیا کے مختلف خطوں میں روزے کے دورانیے میں نمایاں فرق پایا جاتا ہے۔
