پی ٹی آئی سینیٹر فیصل جاوید کو پشاور ایئرپورٹ پر سعودی عرب جانے سے روک لیا گیا۔
رپورٹس کے مطابق فیصل جاوید کو سعودی عرب کی فلائٹ میں سوار ہونے سے منع کر دیا گیا، وہ عمرہ کی ادائیگی کے لیے سعودی عرب جا رہے تھے۔
فیصل جاوید نے میڈیا سے بات کرتے ہوئے کہا کہ ہائیکورٹ نے انہیں عمرہ کی اجازت دی تھی اور ان کے نام کو پی این آئی ایل سے نکالنے کا حکم دیا تھا۔ ان کا کہنا تھا کہ ان کی فلائٹ آج تین بجے تھی، لیکن انہیں سفر کی اجازت نہیں دی گئی۔
انہوں نے کہا کہ ائیرپورٹ پر انہوں نے پشاور ہائیکورٹ کا آرڈر دکھایا، مگر ایف آئی اے ایمیگریشن حکام نے اس کو نظر انداز کر دیا۔ ان کا کہنا تھا کہ یہ عدالتی احکامات کی توہین ہے۔
پی ٹی آئی کے رہنما نے مزید کہا کہ عدالت نے ان کا نام اسٹ کو نکالنے کا حکم دیا تھا، مگر حکومت نے ان کا نام لسٹ سے نہیں نکالا، جس کے باعث انہیں عمرہ پر جانے کی اجازت نہیں دی گئی
