اسلام آباد: وزیراعظم شہباز شریف اور چیئرمین پیپلز پارٹی بلاول بھٹو زرداری کی ملاقات آج ہوگی۔ وزیراعظم نے بلاول بھٹو کو افطار ڈنر پر مدعو کیا ہے۔
ملاقات میں سیاسی صورتحال اور پنجاب کی صورتحال پر تبادلہ خیال ہوگا۔
بلاول بھٹو کے ہمراہ پیپلز پارٹی کا وفد بھی شامل ہوگا جس میں چیئرمین سینیٹ یوسف رضا گیلانی، نوید قمر اور راجہ پرویز اشرف شامل ہیں۔ پیپلز پارٹی پوری تیاری کے ساتھ ملاقات کرے گی۔
ایک ہفتہ قبل بھی ملاقات طے ہوئی تھی لیکن منسوخ ہوگئی تھی۔ گزشتہ ملاقات میں حکومت کے انتظامی معاملات اور پارٹی تحفظات زیر بحث آنے تھے۔
