حافظ آباد کے علاقے جوریاں میں قتل ہونے والی نئی نویلی دلہن کے قتل کا سراغ لگا لیا گیا ہے۔
پولیس کے مطابق مقتولہ روبی کا قاتل اس کا شوہر انصر نکلا، جسے گرفتار کر لیا گیا ہے اور سسرالیوں کے خلاف بھی مقدمہ درج کر لیا گیا ہے۔
ایف آئی آر کے مطابق شیخوپورہ کی رہائشی روبی کی شادی چند ہفتے قبل جوریاں کے انصر سے ہوئی تھی اور شادی کے کچھ عرصے بعد دونوں میں ناچاقی چل رہی تھی۔
شوہر نے اپنی بیوی روبی کو دوآبہ کے قریب جنگل میں لے جا کر گلا دبا کر قتل کیا اور لاش کو جنگل میں پھینک کر گھر واپس آ گیا۔
پولیس نے جدید ٹیکنالوجی کا استعمال کرتے ہوئے مقتولہ کی لاش کو جنگل سے برآمد کر کے شوہر کو گرفتار کر لیا۔
