سرائے مغل کے قریب چکو چک واندر میں ایک دلخراش واقعہ پیش آیا، جہاں ایک شوہر نے اپنی 35 سالہ حاملہ بیوی کو ناجائز تعلقات کے شبے میں قتل کر دیا۔
پولیس کے مطابق، ملزم نے تیز دھار آلے سے بیوی کی گردن اور ٹھوڑی کے نیچے وار کر کے اس کی جان لے لی۔
خاندانی ذرائع کا کہنا ہے کہ مقتولہ، معافیہ بی بی، پانچ سے چھ ماہ کی حاملہ تھی اور اس کی دو بیٹیاں بھی ہیں۔
جیسے ہی واقعے کی اطلاع ملی، تھانہ سرائے مغل کی پولیس موقع پر پہنچی اور تفتیش کا آغاز کر دیا۔ پولیس نے بتایا کہ ملزم قتل کے بعد فرار ہو گیا، اور اس کی گرفتاری کے لیے ایک خصوصی ٹیم تشکیل دی گئی ہے۔
مقتولہ کی لاش قانونی کارروائی کے بعد اس کے ورثا کے حوالے کر دی گئی، جبکہ مزید تحقیقات جاری ہیں۔
