بلوچستان کے علاقے گوادر میں ایک دلخراش واقعہ پیش آیا، جہاں نامعلوم حملہ آوروں کی فائرنگ سے 6 افراد جان کی بازی ہار گئے۔ یہ واقعہ کلمت کے علاقے میں ہوا، جہاں گوادر سے کراچی جانے والے مسافروں کو نشانہ بنایا گیا۔
پولیس کے مطابق، 5 افراد تو موقع پر ہی جاں بحق ہو گئے، جبکہ ایک زخمی شخص علاج کے دوران دم توڑ گیا۔ جاں بحق ہونے والوں میں سے ایک کا تعلق ملتان سے ہے، جبکہ باقی کی شناخت کا عمل جاری ہے۔
وفاقی وزیر داخلہ نے اس واقعے کی سخت مذمت کرتے ہوئے کہا کہ دہشت گردوں نے بزدلانہ کارروائی کے ذریعے بے گناہ لوگوں کو نشانہ بنایا۔ انہوں نے جاں بحق افراد کے لواحقین سے ہمدردی کا اظہار کیا اور کہا کہ ایسی کارروائیاں قوم کے عزم کو کمزور نہیں کر سکتیں۔
