فیصل آباد کے قریب موٹروے پر ایک انتہائی افسوسناک واقعہ پیش آیا ہے جہاں ایک خاتون کے ساتھ اجتماعی زیادتی کی گئی۔
پولیس کے مطابق یہ واقعہ ساندل بار میں دو روز قبل ہوا، اور اس کے خلاف تین افراد کے خلاف مقدمہ درج کیا گیا ہے۔
خاتون کے شوہر نے بتایا کہ ڈاکوؤں نے اسلحے کے زور پر انہیں چنن کے قریب روکا، پھر انہوں نے اسے درخت کے ساتھ باندھ دیا اور اس کی بیوی کے ساتھ زیادتی کی۔ اس کے بعد وہ موبائل فونز اور نقدی چھین کر فرار ہو گئے۔
پولیس نے خاتون کا میڈیکل معائنہ اور جائے وقوعہ کا جیو فارنزک کر لیا ہے، اور اس معاملے میں چھ مشتبہ افراد کو حراست میں لے کر تفتیش کی جا رہی ہے۔
پولیس کے مطابق، مدعی مقدمہ نے ایک ملزم کی شناخت بھی کی ہے، جس کا نام علی شیر ہے۔ متاثرہ خاتون کے شوہر نے بتایا کہ دو ڈاکوؤں کے فون کرنے پر علی شیر ان کے ساتھ آیا تھا، اور وہ بھی ان میں شامل تھا جو اجتماعی زیادتی کے مرتکب ہوئے۔
