مستونگ میں لک پاس کے مقام پر بلوچستان نیشنل پارٹی (بی این پی مینگل) کے دھرنے کے قریب ایک خودکش حملہ آور نے خود کو دھماکے سے اڑا لیا۔
لیویز کے ذرائع کے مطابق، اس دھماکے میں کوئی جانی نقصان نہیں ہوا اور بی این پی کی قیادت اور کارکنان محفوظ رہے۔
سکیورٹی فورسز نے علاقے کو گھیرے میں لے کر تحقیقات شروع کر دی ہیں، جبکہ ریسکیو ٹیمیں بھی جائے وقوعہ پر پہنچ چکی ہیں۔
بی این پی کے سربراہ اختر مینگل نے کہا ہے کہ دھماکے کے باوجود دھرنا جاری رہے گا، اور اگر راستے کھلے ملے تو اسے کوئٹہ منتقل کیا جائے گا۔
اختر مینگل نے یہ بھی کہا کہ ایسے حملے بی این پی کے حوصلے کو کمزور نہیں کر سکتے۔
بلوچستان حکومت کے ترجمان شاہد رند نے بتایا کہ اختر مینگل کی جماعت کے ساتھ مذاکرات جاری ہیں اور واقعے کی مکمل تحقیقات کی جا رہی ہیں۔
انہوں نے عوام سے اپیل کی کہ وہ پرامن رہیں تاکہ ملک دشمن عناصر اس صورتحال کا فائدہ نہ اٹھا سکیں۔
