اسلام آباد: عوام کے لیے اچھی خبر، پاور ڈویژن نے بجلی ایک روپے 71 پیسے فی یونٹ سستی کرنے کا باضابطہ نوٹیفکیشن جاری کر دیا ہے۔
یہ فیصلہ نیپرا کی سفارش پر کیا گیا جس نے گزشتہ روز بجلی کی قیمت میں کمی کی منظوری دی تھی اور فیصلہ وفاقی حکومت کو بھیجا تھا۔ آج پاور ڈویژن نے اس پر عمل درآمد کرتے ہوئے نوٹیفکیشن جاری کر دیا۔
نوٹیفکیشن کے مطابق اس کمی کا اطلاق ملک بھر کے صارفین پر ہوگا، بشمول کراچی کے صارفین جنہیں کے الیکٹرک کے ذریعے بجلی فراہم کی جاتی ہے۔ تاہم لائف لائن صارفین اس رعایت کے دائرہ کار میں شامل نہیں ہوں گے۔
یہ ریلیف اپریل سے جون 2025 کی سہ ماہی کے لیے فراہم کیا گیا ہے اور اس کی مد میں حکومت اضافی سبسڈی فراہم کرے گی۔
