عالمی ریٹنگ ایجنسی فچ نے پاکستان کی معاشی آؤٹ لک کو "مستحکم" قرار دیتے ہوئے کریڈٹ ریٹنگ کو "ٹرپل سی پلس" سے بڑھا کر "بی مائنس" کردیا ہے۔ ایجنسی کے مطابق ملک کے مالی خسارے میں کمی اور معاشی اصلاحات پر عملدرآمد اس بہتری کی اہم وجوہات ہیں۔
فچ کا کہنا ہے کہ پاکستان کی جانب سے کی جانے والی ساختی اصلاحات اور معاشی صورتحال میں بہتری ملک کے مالیاتی نظام پر اعتماد کی علامت ہیں۔
ادھر وزیراعظم شہباز شریف نے فچ کی جانب سے پاکستان کی ریٹنگ میں بہتری کا خیرمقدم کیا ہے۔ اپنے بیان میں انہوں نے کہا کہ یہ پیش رفت عالمی برادری کے پاکستان پر بڑھتے ہوئے اعتماد کی عکاس ہے۔ وزیراعظم نے واضح کیا کہ حکومت معیشت کی بہتری کے لیے مسلسل محنت کر رہی ہے۔
