متحدہ عرب امارات (یو اے ای) کے وزیر خارجہ آج دورہ پر پاکستان آئیں گے۔
ترجمان دفتر خارجہ کے مطابق یو اے ای کے وزیر خارجہ عبداللہ بن زید النہیان آج دو روزہ دورے پر پاکستان پہنچ رہے ہیں۔
شیخ عبداللہ وزیر اعظم شہباز شریف سے بھی ملاقات کریں گے، ملاقات میں تجارت، سرمایہ کاری، توانائی تعاون، اور علاقائی سلامتی پر توجہ دی جائے گی۔
اماراتی وزیر خارجہ اپنے پاکستانی ہم منصب اسحاق ڈار سے بات چیت کریں گے، ملاقات میں دوطرفہ تعلقات کے مختلف پہلوؤں کا جائزہ لیا جائے گا۔
