ملک بھر میں سونے کی قیمتوں میں ہوشربا اضافہ دیکھنے میں آیا ہے۔ سندھ صرافہ بازار ایسوسی ایشن کے مطابق، سونے کی فی تولہ قیمت میں 8 ہزار 100 روپے کا اضافہ ریکارڈ کیا گیا ہے، جس کے بعد یہ 3 لاکھ 57 ہزار 800 روپے پر پہنچ گئی۔
10 گرام سونے کی قیمت میں بھی 6 ہزار 944 روپے کا اضافہ ہوا، جس کے بعد اس کی نئی قیمت 3 لاکھ 6 ہزار 755 روپے مقرر ہوئی ہے۔
اس غیرمعمولی اضافے کی ایک بڑی وجہ عالمی صرافہ مارکیٹ میں سونے کی قیمت میں 69 ڈالرز کا اضافہ ہے، جہاں سونا 3 ہزار 395 ڈالرز فی اونس پر پہنچ چکا ہے۔
