اسلام آباد میں نجکاری کمیشن نے قومی ائیر لائن کے 51 سے 100 فیصد شیئرز کی فروخت کی منظوری دے دی ہے اور اس سلسلے میں اظہارِ دلچسپی کی درخواستیں طلب کر لی گئی ہیں۔ درخواست جمع کروانے کی آخری تاریخ 3 جون 2025 مقرر کی گئی ہے۔
نجکاری کے عمل کے بعد خریدنے والے سرمایہ کار کو نہ صرف شیئرز بلکہ ائیر لائن کے مینجمنٹ کنٹرول کی ذمہ داری بھی سونپی جائے گی۔ مزید براں نئے طیارے خریدنے یا لیز پر حاصل کرنے پر 18 فیصد جی ایس ٹی کی چھوٹ دی جائے گی اور کچھ واجبات بھی ان کی بیلنس شیٹ میں منتقل کئے جائیں گے۔
اس کے علاوہ متوقع سرمایہ کاروں کو بعض ٹیکسوں سے استثنیٰ اور قانونی مقدمات پر تحفظ فراہم کیا جائے گا۔
