خیبر پختونخوا حکومت کی تعلیمی ایمرجنسی صرف نعروں تک محدود ، پشاور میں 8لاکھ سے زیادہ بچے اسکولوں سے باہر ہیں۔
رپورٹ کے مطابق صوبہ بھر میں صوبائی حکومت کی تعلیمی ایمرجنسی کے باوجود خیبر پختونخوا میں تقریباً 50 لاکھ بچے اسکول نہیں جا رہے ہیں۔
صوبائی محکمہ تعلیم کے اعداد و شمار کے مطابق، 37 فیصد بچے تعلیم سے محروم ہیں، جو کہ 49 لاکھ 20 ہزار بنتے ہیں یہ بھی بتایا گیا ہے کہ پشاور میں 8 لاکھ سے زیادہ بچے اسکولوں سے باہر ہیں، جبکہ کولئی پالس کوہستان میں سب سے زیادہ تعداد ہے، یعنی 80 ہزار 333 بچے اسکول نہیں جا رہے۔
مزید یہ کہ لوئر کوہستان اور اپر کوہستان میں 79 فیصد بچے اسکول نہیں جا رہے، جبکہ اپر چترال میں یہ شرح سب سے کم ہے، یعنی صرف 10 فیصد بچے سکول سے باہر ہیں۔
ذرائع نے بتایا کہ وزیر تعلیم خیبر پختونخوا فیصل ترکئی کے بیانات صرف کاغذات تک محدودکیوں کہ پچھلے سال 13 لاکھ بچوں کو سکول میں داخل کرایا گیا۔
رواں سال 10 لاکھ بچوں کو اسکول میں لانے کا ہدف مقرر کیا گیا ہے جو ابھی تک پورا نہیں کیا جا سکا۔
