چین آئندہ چند دنوں میں اپنے نئے ڈرون کیریئر "جیو تیان" کی آزمائش کرنے جا رہا ہے، جو بیک وقت 100 چھوٹے ڈرونز فضا میں بھیجنے کی صلاحیت رکھتا ہے۔
یہ اَن مینڈ ڈرون مدرشپ پیپلز لبریشن آرمی (پی ایل اے) ایئر فورس میں شامل کی جائے گی، جس کا مقصد فضائی جنگی صلاحیتوں کو مزید وسعت دینا ہے۔
مکمل فعالیت کے بعد جیو تیان دشمن کے فضائی دفاعی نظام پر قابو پانے کے لیے ڈرونز کے جُھنڈ کو فضا میں چھوڑ سکے گا۔
چینی ایئر فورس اس ڈرون مدرشپ کو بیڑے کا حصہ بنانے سے قبل متعدد آزمائشوں سے گزارے گی، تاکہ اس کی عملی صلاحیتوں کو جانچا جا سکے۔
یہ جدید ڈرون چھ ٹن تک اسلحہ اور چھوٹے ڈرونز لے کر 7000 کلومیٹر تک پرواز کر سکتا ہے، جو چین کی ایڈوانس ڈرون ٹیکنالوجی میں ایک اہم اضافہ ہے۔
