اوپن اے آئی نے متحدہ عرب امارات میں اسٹار گیٹ یو اے ای کے نام سے دنیا کا سب سے بڑا گیگا واٹ ڈیٹا سینٹر بنانے کا اعلان کر دیا ہے۔
کمپنی نے ایک بلاگ پوسٹ میں تصدیق کی کہ یہ ڈیٹا سینٹر ابوظہبی میں تعمیر کیا جائے گا اور توقع ہے کہ 2026 تک اسے فعال کر دیا جائے گا۔
اس منصوبے کے لیے اوپن اے آئی نے جی 42، سافٹ بینک، اوریکل، Nvidia اور Cisco کے ساتھ شراکت داری کی ہے۔
کمپنی کے مطابق، اسٹار گیٹ یو اے ای 2 ہزار میل کے رقبے تک اے آئی انفرا اسٹرکچر اور کمپیوٹنگ کی سہولیات فراہم کرے گا۔
یہ اوپن اے آئی فار کنٹریز کے تحت پہلی شراکت داری ہے، جس کا مقصد امریکی حکومت کے اشتراک سے خودمختار اے آئی انفرا اسٹرکچر قائم کرنے میں دلچسپی رکھنے والی حکومتوں کو مدد فراہم کرنا ہے۔
کمپنی کے مطابق، اس شراکت داری کے تحت یو اے ای دنیا کا پہلا ملک ہوگا جو اپنے خطے میں چیٹ جی پی ٹی کو فعال کرے گا اور ملک بھر میں اوپن اے آئی کی ٹیکنالوجی تک رسائی فراہم کرے گا۔
یہ اعلان اس وقت سامنے آیا جب حال ہی میں ایلون مسک نے کہا تھا کہ ان کی اے آئی کمپنی ایکس اے آئی دنیا کا پہلا گیگا واٹ اے آئی ٹریننگ مرکز کھولنے جا رہی ہے۔
