نئی دہلی۔ بھارتی کرکٹ ٹیم کے کامیاب ترین کپتان مہندرا سنگھ دھونی نے تمام طرز کی کرکٹ سے ریٹائرمنٹ کا اعلان کر دیا جبکہ سابق کپتان کی پیروی کرتے ہوئے سریش رائنا نے بھی کرکٹ کو خیر باد کہہ دیا۔
انسٹا گرام پر ویڈیو میں اپنے پیغام میں مہندرا سنگھ نے کہا کہ شکریہ شکریہ، اتنی محبت اور تعاون کا شکریہ، 7بجکر 29 منٹ کے بعد مجھے ریٹائر سمجھیں۔بھارتی سابق کپتان مہندرا سنگھ بھارت کی طرف سے کامیاب ترین کپتان کا اعزاز اپنے پاس رکھتے ہیں، انہوں نے اپنی قیادت میں ٹیم کو 3 آئی سی سی چیمپئنز ٹرافی، 2007ء کا ٹی 20 ورلڈکپ اور 2011ء کا ون ڈے جتوایا۔
بھارتی میڈیا کے مطابق آخری بار انہوں نے اپنا میچ 2019ء میں آئی سی سی کرکٹ ورلڈکپ میں نیوزی لینڈ کے خلاف کھیلا تھا جس میں بھارت کو شکست کا سامنا کرنا پڑا تھا۔مہندرا سنگھ دھونی دسمبر 2014ء کو ٹیسٹ کرکٹ سے ریٹائر ہوئے تھے اور ٹی 20 اور ورلڈکپ کھیلتے تھے، ان ان کی قیادت میں بھارتی ٹیم 215ء اور 2016ء کے ٹی ٹونٹی ورلڈکپ میں سیمی فائنلز میں پہنچی تھی۔
350 ون ڈے میچز میں 10733 رنز بنا چکے ہیں۔دھونی ورلڈ ٹی ٹوئنی 2020 کھیل کر ریٹائر ہونا چاہتے تھے تاہم کورونا کی وجہ سے ایونٹ ملتوی کردیا گیا اور ان کا یہ خواب ادھورا رہ گیا۔دوسری طرف مہندرا سنگھ کی پیروی کرتے ہوئے بھارتی بیٹسمین سریش رائنا نے بھی کرکٹ سے ریٹائرمنٹ کا اعلان کر دیا ہے۔
