ئی دہلی: بھارتی ریاست اترپردیش میں کورونا سے متاثرہ خاتون نے چار بچوں کو جنم دیا، ڈاکٹرز نے ماں اور تین بچوں کی حالت کو خطرے سے باہر قرار دے دیا۔
بھارتی میڈیا رپورٹ کے مطابق ریاست اترپردیش کے شہر گورکھپور کی رہائشی خاتون زچگی کے لیے ہسپتال پہنچیں تو ڈاکٹرز نے آپریشن سے قبل اُن کا کورونا ٹیسٹ کیا۔
خاتون کے ٹیسٹ کی رپورٹ مثبت آئی جس پر ڈاکٹروں نے احتیاطی تدابیر پر عمل کرتے ہوئے تمام عمل کو انجام دیا۔
رپورٹ کے مطابق کرونا ٹیسٹ کی رپورٹ مثبت آنے والی 26 سالہ خاتون کی طبیعت ڈلیوری سے قبل خطرے سے باہر تھی اور انہیں کسی بھی قسم کی پریشانی کا سامنا نہیں تھا۔
ڈاکٹرز نے مریضہ کی حالت کو دیکھتے ہوئے آپریشن کا فیصلہ کیا اور پھر انہیں لیبر روم میں لے گئے۔
ڈاکٹرز نے مطابق خاتون نے بیک وقت چار بچوں کو جنم دیا، ماں اور تین بچے مکمل صحت مند ہیں جبکہ ایک کی حالت تشویشناک ہے۔
ڈاکٹرز نے نوزائیدہ بچوں کے نمونے لے کر انہیں لیبارٹری بھیجا ہے تاکہ بچوں کے کورونا سے متاثر ہونے کا معلوم کیا جاسکے۔
