پاکستانی اداکار حمزہ علی عباسی کا کہنا ہے کہ وہ ایک کتاب لکھ رہے ہیں لہذا کچھ دنوں کیلئے سوشل میڈیا سے غیر حاضر رہیں گے۔
سماجی رابطے کی ویب سائٹ ٹوئٹر پر مداحوں کو اپنی کتاب کے حوالے سے آگاہ کرتے ہوئے ان کا کہنا تھا کہ 'وہ اپنی کتاب لکھنے کے عمل میں ہیں جو کہ خالق کائنات سے متعلق ہو گی'۔
حمزہ علی عباسی نے بتایا کہ 'انشاءاللہ امید ہے کہ ان کی کتاب جون 2021 تک مکمل ہو جائے گی'۔
حمزہ علی عباسی نے اپنے چاہنے والوں کو بتایا کہ کتاب لکھنے کی وجہ سے وہ کچھ دنوں تک سوشل میڈیا پر غیر فعال رہیں گے۔
