پاکستانی اداکار گوہر رشید اور اداکارہ کبریٰ خان کی شادی کی تیاریاں شروع ہونے کی خبریں سامنے آئی ہیں۔ سوشل میڈیا پر شوبز کی خبریں شیئر کرنے والے ایک انسٹاگرام پیج پر دعویٰ کیا گیا ہے کہ دونوں اداکاروں کی شادی کی تیاریاں کراچی میں جاری ہیں۔ یہ خبر اس وقت سامنے آئی جب گوہر رشید نے اپنے انسٹاگرام اکاؤنٹ پر ایک ویڈیو پوسٹ کی جس میں "بسم اللہ 2025" لکھا تھا، اور اس ویڈیو میں شازیہ وجاہت، وجاہت رؤف اور دیگر دوست اداکار بھی شامل تھے۔
ذرائع کے مطابق، دونوں اداکاروں کی شادی دھوم دھام سے ہوگی، اور اس کے لیے گزشتہ رات ڈانس پریکٹس بھی کی گئی۔ گوہر رشید اور کبریٰ خان کی گہری دوستی اور قریبی تعلقات کی خبریں پہلے بھی سامنے آچکی ہیں۔ چند ماہ قبل گوہر رشید نے ایک انٹرویو میں کہا تھا کہ وہ سنگل نہیں ہیں اور اپنی زندگی کا تصور اب کبریٰ خان کے بغیر نہیں کر سکتے۔ انہوں نے مزید کہا تھا کہ وہ کبریٰ خان کے بارے میں اتنی باتیں کر سکتے ہیں کہ اس پر پورا شو بنایا جا سکتا ہے۔
