کابل:افغان دارالحکومت کے بین الاقوامی ہوائی اڈے پر نامعلوم مقام سے ایک راکٹ گرا جس کے نتیجے میں ایک شخص ہلاک اور متعدد زخمی ہوگئے۔ ایک جہاز کو کو بھی نقصان پہنچا۔
عالمی میڈیا کے مطابق کابل میں مختلف مقامات پر 10 راکٹ حمے کیے گئے، راکٹس سے کابل ایئرپورٹ کو بھی بشانہ بنایا گیا جبکہ دیگر راکٹس عوامی مقامات پر گرے جس سے شہر ھی میں خوف و ہراس پھیل گیا۔
افغان وزارت داخلہ کی جانب سے جاری بیان میں کہا گیا کہ ایئرپورٹ پر داغے گئے راکٹ سے ایک جہاز کو بھی معمولی نقصان پہنچا ہے،ایک شخص ہلاک اور دو کے زخمی ہونے کی اطلاع ہیں تاہم آزاد ذارئع کے مطابق ہلاکتوں کی تعداد زیادہ ہے۔
بیان میں کہا گیا کہ دارالحکومت میں مزید 9 راکٹس بھی داغے گئے ہیں جو عوامی مقامات پر گرے،یہ راکٹس ایک گاڑی سے داغے گئے۔
تاحال کسی گروپ نے حملے کی ذمہ داری قبول نہیں کی ہے۔
