ٹیسلا اور ایکس کے مالک ایلون مسک کی دولت میں ایک دن کے دوران ریکارڈ اضافہ ہوا ہے۔ بلومبرگ کی رپورٹ کے مطابق، وہ دنیا کے پہلے شخص بن گئے ہیں جن کی دولت 400 ارب ڈالر سے زائد ہوگئی ہے۔
11 دسمبر کو، اسپیس ایکس کی قیمت 350 ارب ڈالر اور ٹیسلا کے حصص کی قیمتوں میں اضافے کی وجہ سے ان کی دولت میں 62.8 ارب ڈالر کا اضافہ ہوا، جس کے بعد ان کی کل دولت 447 ارب ڈالر تک پہنچ گئی۔
سال 2024 کے دوران، ایلون مسک کی دولت میں 218 ارب ڈالر کا اضافہ ہوا ہے، جو ایک نیا ریکارڈ ہے۔ امریکی صدارتی انتخابات کے بعد سے ان کی دولت میں تیزی سے اضافہ دیکھنے کو ملا ہے۔
