متحدہ عرب امارات میں حکام نے 5 خواتین سمیت 10 پاکستانی شہریوں کو بھیک مانگنے کے الزام میں گرفتار کر لیا، جنہیں جیل منتقل کر دیا گیا ہے۔
وفاقی تحقیقاتی ادارے (ایف آئی اے) کے مطابق، گرفتار خواتین میں وہاڑی سے تعلق رکھنے والی آمنہ بی بی، کوثر بی بی اور فرزانہ بی بی، جبکہ لاہور کی جمیلہ بی بی اور زبیدہ بی بی شامل ہیں۔ انہیں مختلف کارروائیوں کے دوران پکڑا گیا اور ملک بدری کی تیاری کی جا رہی ہے۔
اسی طرح، مرد گرفتار شدگان میں ڈی جی خان کے محمد زکریا، بہاول نگر کے وسیم حیدر، لاہور کے محمد عثمان، چار سدہ کے اعجاز خان اور پشاور کے عبداللہ شامل ہیں۔ حکام نے ان کے ایمرجنسی پاسپورٹس جاری کر دیے ہیں اور وطن واپسی پر ان کے خلاف قانونی کارروائی عمل میں لائی جائے گی۔
