افریقی ملک کانگو میں ایک کشتی میں آگ لگنے کے افسوسناک واقعے میں ہلاکتوں کی تعداد 148 تک پہنچ گئی ہے۔
میڈیا کی رپورٹس کے مطابق، یہ سانحہ اس وقت پیش آیا جب ایک خاتون کشتی میں کھانا پکا رہی تھی، جس کی وجہ سے آگ پھیل گئی۔ کشتی میں خواتین اور بچوں سمیت تقریباً 500 افراد سوار تھے، اور اس حادثے کے بعد کشتی دریائے کانگو میں ڈوب گئی، جس کے نتیجے میں کئی لوگ لاپتا ہو گئے۔
اس واقعے میں 100 افراد زندہ بچ نکلنے میں کامیاب ہوئے، جبکہ زخمیوں کا علاج جاری ہے۔ کانگو میں کشتی رانی کے حادثات ایک عام بات ہیں، کیونکہ وہاں پرانی لکڑی کی کشتیاں نقل و حمل کا اہم ذریعہ ہیں، جن پر اکثر حد سے زیادہ لوگ سوار ہوتے ہیں۔
