برطانوی دفتر خارجہ کا کہنا ہےکہ پاکستان سے جاری وارنٹ نوازشریف کے برطانیہ میں قیام پر اثر انداز نہیں ہوسکتے۔
برطانوی دفتر خارجہ کا کہنا ہےکہ نواز شریف کےقانونی معاملات حکومت پاکستان کے ساتھ ہیں اور پاکستان سے جاری وارنٹ نوازشریف کے برطانیہ میں قیام پر اثر انداز نہیں ہوسکتے جب کہ پولیس برطانوی عدالت کی اجازت کے بغیر کسی کوگرفتار نہیں کرسکتی۔
میڈیا رپورٹس کے مطابق پاکستانی شہری کی ای میل پر برطانوی دفتر خارجہ کی جانب سے دیے گئے جواب میں کہا گیا ہے کہ ہم نواز شریف کے برطانیہ قیام سے باخبر ہیں، برطانیہ کے امیگریشن کے قوانین وضع ہیں، ہم ہر مقدمےمیں قوانین پر سختی سے عمل کرتے ہیں۔
برطانوی دفتر خارجہ کی جانب سے مزید کہا گیا ہےکہ برطانیہ اور پاکستان کے درمیان ملزمان کے تبادلے کا معاہدہ نہیں۔
