بالی وڈ پر حکمران کپور خاندان کے ایک اور فرزند راجیو کپور 58 برس کی عمر میں انتقال کرگئے۔ وہ نامور اداکارآنجہانی رشی کپور اور رندھیر کپور کے چھوٹے بھائی تھے۔
بھارتی میڈیا کے مطابق راجیو کپور کو دل کا دورہ پڑا تھا جس کے باعث انہیں قریبی اسپتال منتقل کیا گیا جہاں ڈاکٹرز نے ان کی موت کی تصدیق کی۔
رندھیر کپور نے اپنے ٹویٹ میں کہا کہ میں نے اپنے سب سے چھوٹے بھائی راجیو کو کھو دیا ہے
.jpg)
۔
آنجہانی رشی کپور کی اہلیہ نیتو سنگھ نے بھی راجیو کپور کے انتقال کی تصدیق کی۔
راجیو کپور کو 1983 میں ریلیز ہو نے والی فلم” ایک جان ہیں ہم“ اور 1985 میں راج کپور کے ڈائریکشن میں بنی آخری فلم 'رام تیری گنگا میلی “سے شہرت حاصل ہوئی تھی۔
راجیو کپورمشہور بالی وڈ فلم پریم گرنتھ میں ہدایت کاری کے فرائض بھی سرانجام دے چکے ہیں جس میں مرکزی کردار راجیو کپور کے بڑے بھائی اور مشہور فلمی اداکار رشی کپور نے اداکیا تھا۔
