میڈیا ذرائع کے مطابق کرپشن میں سزا یافتہ کھلاڑیوں فاسٹ بولر محمد عامر،اوپنر شرجیل خان اور مڈل آرڈر بیٹسمین عمر اکمل پر قومی ٹیم کے دروازے ہمیشہ کیلیے بند ہونے کا قوی امکان ہے۔
رپورٹس کے مطابق آئندہ سلیکشن کے لیے کسی بھی ایسے کرکٹر کو زیر غور نہیں لایا جائے گا جس کا نام کرپشن میں آیا ہو، ان حالات میں کرکٹ میں واپسی کیلیے مصباح الحق اور وقاریونس کی رخصتی کا انتظار کرنے والے محمد عامر کا کم بیک بھی مشکل ہوجائے گا۔
ذرائع کے مطابق گورننگ بورڈ ممبران سے منظوری کے بعد چیئرمین رمیز راجہ پریس کانفرنس میں باقاعدہ اس کا اعلان کرسکتے ہیں، پی سی بی اینٹی کرپشن کوڈ کو بھی مزید سخت بنایا جائے گا۔
میڈیا رپورٹس کے مطابق سابق کپتان متعدد بار اپنے بیانات میں کرپٹ کرکٹرز کی واپسی کی کھل کر مخالف کرچکے ہیں، لہٰذا انھوں نے نئی گائیڈ لائنز سے پی سی بی حکام اور کپتان بابر اعظم کو بھی اعتماد میں لے لیا ہے۔
