گزشتہ 24 گھنٹوں کے دوران ملک بھر میں مزید 1 ہزار سے زائد افراد مہلک وائرس کا شکار ہوئے۔
نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 53 ہزار 590ٹیسٹ کیے گئے جن میں سے 1086افراد میں کورونا وائرس کی تصدیق ہوئی۔
این سی او سی کے مطابق گزشتہ روز کورونا نے مزید 27 افراد کی زندگیوں کو نگل لیا۔ جب کہ مثبت کیسز کی شرح 2.02 فیصد ریکارڈ ہوئی ہے۔ اس کے علاوہ 2132 مریضوں کی حالت تشویشناک ہے۔
