اسلام آباد : وزیراعظم عمران خان نے پاک بھارت ٹاکرے پر قومی کرکٹ ٹیم کیلئے نیک خواہشات کا اظہار کرتے ہوئے کہا ہے کہ انشاء اللہ بھارت سے ضرورجیتیں گے۔
وزیراعظم عمران خان پاک بھارت ٹاکرے پر قومی کرکٹ ٹیم کیلئے نیک خواہشات کا اظہار کرتے ہوئے جیت کیلئے امید ظاہر کی۔
وزیراعظم نے سعودی عرب روانگی سے قبل قریبی رفقا سے کرکٹ پر گفتگو کرتے ہوئے کہا ٹیم میں ٹیلنٹ موجودہےبھارت کیخلاف کامیاب ہوگی، دعاہےقومی ٹیم بھارت کوشکست دے۔
عمران خان نے کہا ہم انشا اللہ بھارت سے ضرور جیتیں گے۔
یاد رہے آئی سی سی ٹی 20 ورلڈ کپ کا ساتواں ایڈیشن متحدہ عرب امارات اور عمان میں جاری ہے، جہاں ایونٹ کا سب سے بڑا میچ روایتی حریف پاکستان اور بھارت کے درمیان 24 اکتوبر بروز اتوار کھیلا جائے گا۔
پاکستان اور بھارت کے درمیان کھیلا جانے والا میچ پاکستانی وقت کے مطابق شام 7 بجے شروع ہوگا۔
