عمر رسیدہ خاتون نے پڑوسی کے پالتو کتے کو بہت زیادہ بھونکنے کی وجہ زمین میں زندہ دفن کر دیا۔
غیر ملکی میڈیا کے مطابق یہ واقعہ برازیل میں پیش آیا جہاں 82 سالہ خاتون نے بے زبان جانور کو موت کے گھاٹ اتارنے کی پوری کوشش کی مگر وہ خوش قسمتی سے بچ گیا۔
کتے کے 33 سالہ مالک نے پولیس میں شکایت دی کہ اس کی پڑوسن نے کتے کو اپنے گارڈن میں زندہ دفن کیا اور اپنے جرم کا اعتراف بھی کرلیا۔
اس نے بتایا کہ میں نے خاتون کی نشاندہی پر ڈیڑھ گھنٹے بعد کتے کو زمین سے زندہ نکال کر اسپتال منتقل کیا جہاں وہ زیرِ علاج ہے، خاتون نے مجھے خبردار کیا ہے کہ اگر اب کتے نے بھونک کر پریشان کیا تو میں دوبارہ اسے زمین میں گاڑ دوں گی۔
