آپ نے آج تک بریڈ سموسہ، آلو سموسہ، چائنیز سموسہ، مٹن اور بیف سموسہ تو سن رکھا ہوگا مگر بریانی سموسہ مارکیٹ میں نیا آیا ہے۔
سوشل میڈیا پر اس وقت بریانی سموسہ کافی وائرل ہے جسے دیکھ کر سرحد کے دونوں اطراف لوگوں کا پارہ ہائی ہو رہا ہے۔
تیزی سے وائرل ہوتی اس پوسٹ پر کھانے پینے کے شوقین افراد بس غصے کا اظہار ہی کر پا رہے ہیں۔
ایک صارف نے لکھا کہ میری دونوں پسندیدہ چیزوں کو خراب کر دیا تو صارف نے لکھا کہ اللہ سے ڈرو پھر کہتے ہو کیسے حکمراں آگئے ہیں۔
ایک صارف نے تو انوکھا سوال ہی کر ڈالا، پوچھا کے اس کےساتھ کیا ملے گا، کیچپ، چتنی یا پھر رائتہ۔
ایک صارف تو برہم ہی ہوگئے بحث کو ختم کرنے کے لیے کہا کہ بریانی کو بریانی رہنے دو اور سموسے کو سموسہ۔
دوسری جانب بہت سے لوگوں نے پسندیدگی کا اظہار کرتے ہوئے لکھا کہ یہ سموسے گلاب جامن سموسے سے زیادہ دلکش لگتے ہیں۔
ایک صارفین نے اپنی خواہش کا اظہار کرتے ہوئے بولا میں کب اس کا مزہ چکھوں گا؟
