دنیا کا ایک بڑا اور اہم ملک آسٹریلیا مسلسل اپنی جگہ سے کھسک رہا ہے ماہرین ارضیات نے یہ انکشاف کرکے ہلچل مچا دی ہے۔
غیر ملکی میڈیا کے مطابق ارضیاتی تبدیلیوں اور ٹیکٹونک عمل کی وجہ سے پورا براعظم آسٹریلیا گزشتہ 22 برس کے دوران ڈیڑھ میٹر تک کھسک گیا ہے اور اس طرح وہ گلوبل پوزیشننگ سسٹم (جی پی ایس) کی مطابقت سے باہر نکل چکا ہے۔
رپورٹ کے مطابق اس مسئلے کو حل کرننے کے لیے حکومت نے باقاعدہ طور پر ملک کے نئے ارض البلد اور طول البلد کو نئی پوزیشن کے تحت بدلنے کا بھی اعلان کر دیا ہے۔
سائنس کی ایک معروف ویب سائٹ کے مطابق آسٹریلیا کی ارضیاتی (ٹیکٹونک) پلیٹ پورے سیارے پر سب سے زیادہ تیزی سے حرکت کر رہی ہےاور 7 سینیٹی میٹر سالانہ کی رفتار سے مشرق کی جانب کھسک رہی ہے۔
اس سے قبل 1994 میں جیو سینٹرک ڈیٹم آف آسٹریلیا (جی ڈی اے) نے آخری بار آسٹریلیا کے محل وقوع پر مبنی کو آرڈینٹس طے کیے تھے۔
اگرچہ گوگل میپ پر ڈیڑھ میٹر کی تبدیلی سے کوئی فرق نیہں پڑتا تاہم ازخود چلنے والی گاڑیوں اور ارضیات کے حوالے سے باریک بین حساب کتاب کے مطابق یہ ایک بہت بڑا فرق ہے۔
