پاکستان کرکٹ ٹیم کے ون ڈے اسکواڈ کے اعلان سے متعلق ہونے والی پریس کانفرنس تاخیر کا شکار ہوگئی۔
اس حوالے سے پاکستان کرکٹ بورڈ کا کہنا ہے کہ پریس کانفرنس آج سہ پہر کے بعد ہوگی
ذرائع کے مطابق پریس کانفرنس لاجسٹک مسائل کے باعث تاخیر کا شکار ہوئی ہے۔
ذرائع کا یہ بھی کہنا ہے کہ ایشیا کپ سے متعلق میٹنگز کے باعث پریس کانفرنس کو مؤخر کیا گیا ہے۔
ذرائع کا کہنا ہے کہ افغانستان کے خلاف سیریز اور ایشیا کپ کے لیے قومی اسکواڈ کا اعلان کیا جائے گا، سری لنکا روانگی سے قبل پاکستان میں موجود کھلاڑیوں کا مختصر ٹریننگ کیمپ لگایا جائے گا، پاکستان کرکٹ ٹیم 17 ستمبر کو سری لنکا پہنچے گی، تین ون ڈے میچز کی سیریز 22 سے 26 اگست تک کھیلی جائے گی۔
واضح رہے کہ چیف سلیکٹر انضمام الحق کو سوا 12 بجے پریس کانفرنس کرنا تھی۔
