پشاور کے علاقے خزانہ سیوان روڈ پر مبینہ پولیس مقابلے میں 2 مشکوک افراد ہلاک ہوگئے، ایک ملزم کو زخمی حالت میں گرفتار کرلیا گیا۔
پولیس کے مطابق موٹرسائیکل پر 3 مشکوک افراد رکنے کے اشارے پر فائرنگ کرکے فرار ہوگئے۔
پولیس کا کہنا ہے کہ کچھ فاصلے پر فائرنگ کے تبادلے میں 2 افراد ہلاک ہوگئے۔
مشکوک افراد کے قبضے سے 3 پستول، 3 موبائل فون اور موٹرسائیکل برآمد کی گئی ہے۔
پولیس کا کہنا ہے کہ علاقے میں بڑے پیمانے پر سرچ آپریش جاری ہے، ناکہ بندیوں پر چیکنگ سخت کردی گئی ہے۔
