نئی دہلی:بھارتی کمپنی نے اسرائیلی پولیس کو وردیوں کی سپلائی روک دی۔بھارتی میڈیا کے مطابق بھارتی کمپنی نے یہ اعلان غزہ کے العہلی ہسپتال پر بمباری کے بعد کیا۔
بھارتی کمپنی کے ایم ڈی کا کہناتھا کہ اسرائیلی پولیس کو وردیوں کی سپلائی روکنے کا فیصلہ اخلاقی بنیادوں پر کیا، ہسپتالوں پر بمباری، بچوں اور عورتوں کو قتل کرنا ناقابلِ قبول ہے۔
اس حوالے سے ویڈیو بیان میں انہوں نے کہا کہ غزہ کے 25 لاکھ افراد کو خوراک اور پانی کی فراہمی روکنا ناقابلِ قبول ہے۔
کیرالہ میں قائم کمپنی 2015 سے اسرائیلی پولیس کی ہر سال 1 لاکھ وردیاں تیار کرتی ہے۔یاد رہے کہ کچھ دن قبل غزہ کے العہلی اسپتال پر اسرائیلی بمباری میں 500 سے زائد فلسطینی شہید ہوئے تھے۔
