سردی کی انٹری کے ساتھ ہی چکن کارن سوپ اور یخنی سینٹرز پر رش بڑھ گیا، شہری سردی بھگانے کےلئے گرم سوپ اور یخنی کا لطف اٹھاتے ہیں۔۔
شہر قائد میں ناگن چورنگی پر قائم 20 سال پرانا یخنی سینٹر اپنی مثال آپ ہے، یہاں کی مشہور بٹیر کی یخنی بچوں اور بڑوں سمیت سب کی من پسند ہے، سرد راتوں میں بڑی تعداد میں شہری بٹیر کی یختی پینے کیلئے یہاں کا رُخ کرتے ہیں۔
یخنی سینٹر پر آنے والے شہریوں کا کہنا ہے یخنی پینے سے جہاں سردی کی شدت میں کمی آتی ہے وہیں اس کے پینے سے کئی طرح کی بیماریوں سے محفوظ رہتے ہیں۔
یخنی سینٹر کے مالک کا کہنا ہے 20 سال سے اسی مقام پر یخنی فروحت کر رہا ہوں، نہ قمیت زیادہ رکھی اور نہ ہی کبھی معیار پر سمجھوتا کیا۔
یخنی سینٹر پر شہری یخنی پینے کے ساتھ بٹیر کے پیس اورانڈوں سے بھی لطف اندوز ہوتے ہیں۔
