روزانہ ایک مالٹے کے استعمال سے صحت پر ہونے والے فائدے

اگر آپ مالٹے کھانا پسند کرتے ہیں تو خوشخبری ہے کہ یہ آپ کی صحت کے لیے بے شمار فوائد کا حامل ہے۔

چاہے وہ کینو ہو یا مالٹے کی دیگر اقسام، یہ تمام پھل صحت کے لیے مفید ہیں۔ مالٹے میں مختلف غذائی اجزاء اور نباتاتی مرکبات ہوتے ہیں جو جسم کے لیے فائدہ مند ثابت ہوتے ہیں۔ مختلف تحقیقی مطالعوں کے مطابق، مالٹے صحت کے لیے کئی طریقوں سے فائدہ پہنچاتے ہیں۔ دراصل، روزانہ ایک مالٹے کا استعمال بھی آپ کے جسم کے لیے بہت زیادہ مفید ثابت ہو سکتا ہے۔

1. وٹامن سی سے بھرپور

ایک مالٹے میں وٹامن سی کی وہ مقدار موجود ہوتی ہے جو روزانہ کی ضروری مقدار کا تقریباً 70 فیصد فراہم کرتی ہے۔ وٹامن سی آپ کے مدافعتی نظام کو مضبوط بنانے کے لیے ضروری ہے اور یہ آئرن کے جذب میں بھی مدد کرتا ہے۔

2. کینسر سے تحفظ

مالٹے میں وٹامن سی کی بڑی مقدار ہونے کے باعث یہ جسم میں زہریلے مرکبات کی جمع کو روکنے میں مددگار ثابت ہو سکتا ہے جو کینسر کا سبب بنتے ہیں۔ تحقیق سے یہ بھی ثابت ہوا ہے کہ ترش پھلوں کا زیادہ استعمال پھیپھڑوں، منہ اور معدے کے کینسر کے خطرے کو کم کرتا ہے۔

3. معدے کے لیے مفید

ایک مالٹے میں تقریباً 3 گرام فائبر ہوتا ہے جو نہ صرف قبض سے نجات دلاتا ہے بلکہ آنتوں کی صحت کو بھی بہتر بناتا ہے۔ فائبر کی موجودگی کی وجہ سے جسم میں کولیسٹرول اور بلڈ شوگر کی سطح کم ہوتی ہے اور وزن کو کنٹرول کرنا بھی آسان ہوتا ہے۔

4. ورم کش خصوصیات

مالٹے میں 170 کیمیائی مرکبات اور 60 فلیونوئڈز ہوتے ہیں جو جسم میں ورم کو کم کرنے میں مددگار ثابت ہو سکتے ہیں۔ یہ خصوصیات کینسر، دل کے امراض، ذیابیطس اور جوڑوں کی بیماریوں کے خطرے کو کم کرتی ہیں۔

5. مسلز کے لیے فائدہ مند

مالٹے میں 240 ملی گرام پوٹاشیم ہوتا ہے جو اعصاب اور مسلز کے لیے ضروری ہے۔ یہ بلڈ پریشر کو کنٹرول کرنے میں مدد دیتا ہے اور دل کی دھڑکن کو مستحکم رکھتا ہے۔

6. فولیٹ سے بھرپور

حاملہ خواتین کے لیے مالٹوں میں موجود فولیٹ اہمیت رکھتا ہے کیونکہ یہ بچے کی دماغی نشوونما اور ریڑھ کی ہڈی کے نقص کی روک تھام میں مدد کرتا ہے۔

7. خلیات کی صحت

مالٹے میں بیٹا کیروٹین، جو ایک طاقتور اینٹی آکسیڈینٹ ہے، موجود ہوتا ہے جو خلیات کی صحت کو بہتر بناتا ہے اور جسم میں گردش کرنے والے نقصان دہ مادوں سے تحفظ فراہم کرتا ہے۔

8. توانائی کی فراہمی

مالٹے میں وٹامن بی1 بھی موجود ہوتا ہے جو خوراک کو توانائی میں تبدیل کرنے میں مدد دیتا ہے، اس طرح جسم کے تمام خلیات کو توانائی ملتی ہے۔

9. خون کی کمی سے بچاؤ

مالٹے میں وٹامن سی کی مقدار زیادہ ہونے کی وجہ سے یہ آئرن کے جذب میں مددگار ثابت ہوتا ہے، جس سے خون کی کمی یا انیمیا کے خطرے کو کم کیا جا سکتا ہے۔

10. جلد کی صحت

وٹامن سی کی موجودگی جلد کی صحت کے لیے بھی فائدہ مند ہے کیونکہ یہ کولیگن کی تیاری کو فروغ دیتا ہے، جس سے جلد ہموار اور جوان رہتی ہے۔ یہ جھریوں کی روک تھام میں بھی مددگار ثابت ہوتا ہے۔

11. ڈی ہائیڈریشن سے بچاؤ

مالٹے میں پانی کی مقدار زیادہ ہوتی ہے، جو سرد موسم میں پانی کی کمی (ڈی ہائیڈریشن) سے بچانے میں مددگار ثابت ہو سکتی ہے۔ یہ ہاضمہ کو بہتر بناتا ہے، جوڑوں کی حفاظت کرتا ہے اور جسم کے درجہ حرارت کو متوازن رکھتا ہے۔

12. ذیابیطس سے تحفظ

مالٹے میں موجود فائبر ذیابیطس کی روک تھام میں مددگار ثابت ہو سکتا ہے۔ فائبر بلڈ شوگر کی سطح کو کنٹرول کرتا ہے اور انسولین کے ردعمل کو بہتر بناتا ہے، جس سے ذیابیطس کا خطرہ کم ہوتا ہے۔

13. دل کی صحت

مالٹے میں فائبر اور پوٹاشیم دونوں موجود ہیں جو دل کی صحت کے لیے اہم ہیں۔ یہ بلڈ پریشر کو کنٹرول کرنے اور دل کی بیماریوں کا خطرہ کم کرنے میں مددگار ثابت ہوتے ہیں۔

14. توند کی چربی میں کمی

مالٹے میں موجود فائبر توند کی چربی کو کم کرنے میں مدد کرتا ہے، جس سے جسمانی ورم اور مختلف بیماریوں کا خطرہ کم ہوتا ہے۔

15. جوس کے مقابلے میں پھل بہتر

اگرچہ اورنج جوس بھی فائدے مند ہوتا ہے لیکن سالم مالٹے جوس کے مقابلے میں زیادہ فائدہ مند ہیں کیونکہ ان میں فائبر کی مقدار زیادہ ہوتی ہے جو جوس میں موجود نہیں ہوتی۔

16. سفید تاروں کے فوائد

مالٹے کے سفید تار، جنہیں اکثر لوگ نکال دیتے ہیں، دراصل کیلشیئم، فائبر، وٹامن سی اور اینٹی آکسیڈینٹس سے بھرپور ہوتے ہیں جو جسم کے لیے مفید ہیں۔

اس طرح، مالٹے کا روزانہ استعمال آپ کی صحت کے لیے کئی فوائد لا سکتا ہے۔